♥♥ صغيرة وماتعرف تحب ♥♥

عدد المساهمات : 17 تاريخ التسجيل : 04/02/2011

هذا شعر شعبي عراقي قديم شوية بس الة بعض الخصوصية عندي ولهذا قررت انه انشرة .
القصيدة اسمها ( صغيرة وماتعرف تحب )...للشاعر الشعبي فرات الشمرّي .

- صغيرة وماتعرف تحب -

صغيره وما تعرف تحـــب .. ولا دغـدغ قلبها الشــــوق
خفيفة بشط هواها تروح .. ودومها تعاتت اويه الموج
صغـــــــيره وحســـــرتي كبــــــيره ..
يا صاحبي ما أظنها تفّل ..ولا اظن تحصل اليشتل
تصــد مــرّه وأعاتبــها .. تراضيني وترد تجفــــل
لا غلطه بدت مني .. ولا كلمه قلت عنها ولا عني
أهيم وما أقول أرجع .. تجي يمّي وتجابسـني
أنام وحتى ساعه أهجع .. تجي بطيفي وتفززني
وأحس بحرقه بضلوعي .. وتضل تدي وحنيني يصب
وأقول هذي هم قسمه .. صغيره وما تعرف تحب
كثيره أيام يا ناس وآنا هالحاير .. لا شوره تدليني ولا شاير
واشوف الناس كلها عـزاز .. وآنـــــــا وحيـــدهم بايــــــر
اشـــجاني واشحصلت منـــــها ؟
أوادم وشت عليّ .. مثل ما وشـــت عليها ؟
لا ماكو عواذل .. العواذل ما تحاجيـــها !!
عرفته اللي كــان واشـــيها .. !!!
ولك يا صويحبي استاذي يحـوم ويـدور عليها
تحاجيه ويحاجيها .. تناغيــه وينــاغيها
أقول يا صاحبي اسندني .. أشوف الدنيا تتل بيني وأتل بيها
وإلا استادنا ريّض .. يقــــول هالنـاس شعليها
حســــافة اســـتاد .. جنك ما دريت بحسبتي وياها
حســــافه اســــتاد .. قلبي اللي هواها شلون ينساها
شـــقول عليك يا استاذي .. شــريد أدعي ؟
عسى انك بضحكه تسيّل عالوجن دمعي
شـــتريد انطيـــك شـــهديلك ..؟
تـــريد قلبي وقــلبي تايــه بهمها ؟
تريد روحي وانت الروح ظالمها ؟
تريض وانعل الشيطان .. وحس بنخوة افادي
لو كل ما حجيته وياك ما ينقال يا استادي
خل يشهد علي الشــرجي وعلي الهــادي
أريدنها واحبنها .. وحق عيناك يا استادي أحبنها
بنخي عليك أبو حزامين لا توصل بعـــد يمها
ما اقدر انجحنها إن سـاعه اضحكت ويــاي
ولا أقدر اسقطنها إن صــدت تـريد جفـــــاي
منين أجيب الشهادة منين وارضي بيها هواي
وأنا حسره عليّ يا استادي شربة الجاي
بس عندي قليب يا محلاه .. ألف حسبه تحس بجلاه